Міністэрства аховы здароўя апублікавала пералік краін, пасля наведвання якіх трэба знаходзіцца ў самаізаляцыі 14 дзён

Міністэрства аховы здароўя апублікавала пералік краін, у якіх рэгіструюцца выпадкі каранавіруса COVID-19 і пасля наведвання якіх грамадзяне павінны знаходзіцца ў самаізаляцыі 14 дзён.

У спіс увайшлі 169 дзяржаў. У ім ёсць і краіны-суседзі: Латвія, Літва, Расія, Польшча і Украіна. У пераліку ёсць Аўстралія, краіны СНД, ЕС, Азіі, Афрыкі, Паўднёвай і Паўночнай Амерыкі.

У адпаведнасці з пастановай Савета Міністраў ад 25 сакавіка 2020 года нумар 171, асобы, прыбыўшыя ў Беларусь з краін, у якіх рэгіструюцца выпадкі інфекцыі COVID-19, на працягу 14 каляндарных дзён з дня прыбыцця ў Беларусь павінны знаходзіцца ў самаізаляцыі ў дамашніх умовах. Яны таксама не падлягаюць далейшаму пропуску праз дзяржаўную граніцу Беларусі (да заканчэння тэрміну самаізаляцыі). Адпаведны пералік краін размешчаны на афіцыйным сайце Міністэрства аховы здароўя.

Па інфармацыі БелТА.

Добавить комментарий

Ваш e-mail не будет опубликован. Обязательные поля помечены *