Якая адказнасць за падпіску на экстрэмісцкія каналы?

Гэтыя і іншыя пытанні абмеркавалі падчас сустрэчы з ідэалагічным актывам раёна.

Вакцынацыя!

Першай перад прысутнымі выступіла начальнік аддзела ідэалагічнай работы, культуры і па справах моладзі Галіна Сакалоўская.

— Зараз кожны з нас павінен надаць асаблівую ўвагу бездакорнаму захаванню прафілактычных мер супраць каранавіруснай інфекцыі, — заўважыла Галіна Аляксандраўна. — А як мы ведаем, самая надзейная абарона супраць кавіду — вакцынацыя. Працягнуў тэму вакцынацыі галоўны санітарны ўрач Бярэзінскага РЦГЭ Вадзім Буйніцкі.

— У нашым раёне прайшлі вакцынацыю ўжо больш за 30% бярэзінцаў. Але тэмпы мы не павінны збаўляць ні ў якім разе. Адзначаецца, але пакуль нязначны, спад захворвання, — звярнуў увагу Вадзім Буйніцкі.

Як запісацца на рэвакцынацыю?

Адразу ж паступіла пытанне:

— Ці можна ўжо прайсці рэвакцынацыю? І дзе можна гэта зрабіць?

— Так, тыя, хто прайшоў вакцынацыю і ўжо мінула 6 месяцаў, могуць прайсці рэвакцынацыю. Прышчэпку робяць вакцынай “Спутник Лайт”. Можна прайсці рэвакцынацыю ў прышчэпачным пункце ў басейне, у прыёмным аддзяленні і прышчэпачным кабінеце паліклінікі, — патлумачў Вадзім Буйніцкі.

Правапарушэнні

Не менша важная тэма — захаванне правапарадку на тэрыторыі Бярэзінскага раёна. Аб стане правапарадку на тэрыторыі Бярэзінскага раёна за 10 месяцаў 2021 года (у параўнанні з 10 месяцамі 2020 года) расказаў начальнік раённага аддзела ўнутраных спраў Андрэй Заяц:

— Хочацца адзначыць, што за 10 месяцаў знізілася колькасць паведамленняў аб злачынствах, — заўважыў Андрэй Міхайлавіч. — Знізілася агульная колькасць зарэгістраваных злачынстваў, а таксама злачынстваў па лініі крымінальнага вышуку, пры гэтым узрасла колькасць зарэгістраваных злачынстваў па лініі крымінальнага вышуку, якія адносяцца да катэгорыі цяжкіх і асабліва цяжкіх. Узрасла колькасць прычыненняў цяжкіх цялесных пашкоджанняў, крадзяжоў, крадзяжоў з дачных дамоў, угонаў аўтатранспарту, хуліганстваў, вымагальніцтваў. Знізілася колькасць крадзяжоў, у тым ліку з жылых памяшканняў, крадзяжоў веласіпедаў. Па-ранейшаму актуальнай праблемай застаецца і кіберзлачынства. Так, зніжана колькасць кіберзлачынстваў. Але пры гэтым толькі па 1 устаноўлены падазроны. Таму хочацца яшчэ раз нагадаць: будзьце вельмі пільнымі, нікому не паведамляйце свае банкаўскія дадзеныя. Махляры — не спяць!

За 10 месяцаў бягучага года на тэрыторыі раёна зарэгістравана 7 дарожна-транспартных здарэнняў, у якіх 7 чалавек атрымалі цялесныя пашкоджанні і 2 чалавекі загінулі. 1 здарэнне адбылося з удзелам дзяцей. Затрымана 47 кіроўцаў у стане ап’янення.


На жаль, вырасла і колькасць злачынстваў, якія адносяцца да катэгорыі “насілле ў сям’і”. Звяртаем вашу ўвагу, калі вы заўважылі, што ў вашых калег, знаёмых ёсць на твары, целе пашкоджанні, сінякі, распытайцеся, што здарылася. Магчыма, вашы знаёмыя пакутуюць ад сямейнага гвалту і ім неабходна дапамога.


Экстрэмісцкія Telegram-каналы

— Хочацца звярнуць вашу ўвагу на тое, што сёння неабходна быць вельмі пільнымі і чэрпаць інфармацыю толькі з правераных крыніц, — заўважыў Андрэй Міхайлавіч. — Думаю, многія ведаюць, што сёння некаторыя тэлеграм-каналы прызнаны экстрэмісцкімі. Ёсць экстрэмісцкія тэлеграм-каналы і ў Бярэзінскім раёне. Увогуле, па ўсёй краіне такіх Telegram-каналаў больш за 200.

Якая адказнасць прадугледжана за падпіску на экстрэмісцкія Telegram-каналы?

— Крымінальныя справы пагражаюць падпісчыкам каналаў, якія атрымалі статус экстрэмісцкага фарміравання. Калі канал прызнаны экстрэмісцкім матэрыялам, за яго папулярызацыю, у тым ліку рэпосты, прыцягнуць да адміністрацыйнай адказнасці, — даў адказ на пытанне Андрэй Міхайлавіч. — Пра адрозненні паміж матэрыяламі і фарміраваннямі прасцей сказаць так: экстрэмісцкія матэрыялы — гэта тое, што робіць чалавек, а экстрэмісцкія фарміраванні — хто робіць.

— Значыць падпісчыкі Telegram-каналаў могуць стаць фігурантамі крымінальных спраў?

— Калі ў яго статус экстрэмісцкага фарміравання, то яго падпісчыкі, сапраўды, могуць стаць фігурантамі крымінальных спраў. Што тычыцца падпіскі на каналы з экстрэмісцкімі матэрыяламі, то яна пакуль не караецца. Але пры адной умове: калі падпісчык не аказвае падтрымку ў папулярызацыі канала, інакш кажучы, не рэпосціць, не пералічвае грошай, не «злівае» туды інфармацыю. Калі пералічаныя дзеянні ёсць, то падпісчыкі, адпаведна, прыцягваюцца да адміністрацыйнай адказнасці.

Юлія БУКЕЛЬ.

Якая адказнасць за падпіску на экстрэмісцкія каналы?: 1 комментарий

  • 13.11.2021 в 19:17
    Permalink

    Определять, какие каналы «экстремистские», а какие нет — не сможет ни один человек. Потому что каналы постоянно меняют свое название и логотип. Я вообще пользуюсь азбукой Брайля, не туда ткну пальцем, и в милицию потащите? Все это является чушью вдвойне, потому что противоречит» Декларации о правах человека «в деле доступа к независимым источникам информации. Если вы только считаете белорусов безголовыми, что они не могут отделить полезное от бесполезного. Вы конечно, удалите комменты, и это вдвойне покажет вашу и юридическую безграмотность, и отсутствие аналитического мышления.

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *