– Усё менш і менш час узастаецца да правядзення рэспубліканскага рэферэндуму па ўнясенні змяненняў у Канстытуцыю Рэспублікі Беларусь. Надыходзіць час нашага выбару – як і за што мы прагаласуем, наколькі актыўнымі будуць нашы дзеянні.

Дата 27 лютага, дзень асноўнага галасавання, мне падаецца вельмі сімвалічнай, бо гэта перадапошні дзень зімы, надыход вясны, калі распачынаюцца і вядуцца многія сельскагаспадарчыя кампаніі, асноўнай з якіх з’яўляецца сяўба. Дык вось, наколькі актыўна, паспяхова і ў аптымальныя тэрміны мы (не толькі наша гаспадарка, а і ўсе аграрыі краіны) правядзём яе, настолькі сытым, багатым і эканамічна стабільным выдасца ўвесь будучы год. Аналагічна і з рэферэндумам: наколькі актыўна, мудра і правільна прагаласуем мы за прапануемыя змяненні ў Асноўны Закон, настолькі багатыя, як у маральным, так і эканамічным плане, вынікі будем мець пасля. Прычым, не толькі мы будзем карыстацца імі, а і нашы дзеці, наступныя пакаленні.

Давайце ж падключым сваю свядомасць, гаспадарлівасць і празарлівасць, не застанёмся ўбаку ад такой гістарычнай падзеі і станем яе актыўнымі ўдзельнікамі, стваральнікамі нашай будучай!