Наведаліся госці ў асобах генеральнага дырэктара футбольнага клуба “Дынама-Мінск” Андрэя Толмача, начальніка ўпраўлення нацыянальных каманд Міхаіла Пракапенка, начальніка галоўнага ўпраўлення спорта і турызма Мінскага аблвыканкама Яўгенія Булойчыка, якія прывезлі спонсарскую дапамогу ад “Дынама-Мінск”.

Юныя футбалісты атрымалі 20 камплектаў футбольнай формы.

- Вельмі прыемна атрымаць падтрымку спонсараў, нашых шаноўных старэйшых калег, - пракаментаваў трэнер Сяргей Булойчык. – Хто ведае: можа хтосьці з сённяшніх дзяцей у будучым папоўніць шэрагі вядомага ў свеце футбольнага клуба “Дынама-Мінск”.

Юныя футбалісты, не губляючы часу, зараз жа прымералі новыя формы і сфатаграфаваліся на памяць з гасцямі.

Візіт гасцей адбыўся у рамках падтрымкі і развіцця футбола ў малых раёнах.

Аляксандр БЫЧКОЎСКІ.

Фота аўтара.