За свае амаль што 30 гадоў служэнню людзям жанчына паспела заваяваць непахісны аўтарытэт і павагу жыхароў Пагоста (і не толькі іх, а і многіх іншых, у тым ліку і транзітных вадзіцеляў, бо магазін знаходзіцца каля самай аўтамагістралі Мінск – Магілёў), а яе таварыскі характар для многіх састарэлых людзей ператварае звычайны паход у магазін у сапраўдную душэўную адтуліну.

Пачынала сваю працоўную дзейнасць Алена Талкачова яшчэ ў невялічкай краме, дзе зараз размясцілася мясцовая царква, а потым перабралася ў новы прасторны магазін. Тут яна ў адной асобе і загадчыца, і прадавец, дарэчы, шостага разрада. Літаральна праз два месяцы, у маі, Алена Альтаўна набудзе статус пенсіянеркі. Але пакідаць свой пост, як сапраўдны патрыёт гандлёвай справы, не збіраецца. Ды і запалу ў яе захавалася яшчэ столькі, што і малады можа пазайздросціць.

Анатоль ПАЛЫНСКІ.

Фота Алены ГРОМАВАЙ.