Акцыя “Бярэзінская панарама” крочыць да вас” пройдзе ў нядзелю на кожным участку для галасавання. Тут вы абавязкова знойдзеце свежы нумар раёнкі, дзе сярод іншых матэрыялаў знаходзіцца і графік мерапрыемстваў, запланаваных на ўчастках для галасавання 27 лютага.

Многія жыхары Бярэзіншчыны паспелі ўжо прыняць удзел у рэферэндуме і выказалі сваё волевыяўленне,  праявіўшы ўласную грамадскую пазіцыю па гэтаму важнаму пытанню жыцця нашай рэспублікі. Многія з сустрэтых мною сёння людзей расказвалі аб тым, што наведалі ўчасткі для галасавання, не чакаючы 27 лютага. Мэтай нашага апытання было меркаванне тых, хто яшчэ па той ці іншай прычыне не аддаў свой голас. З імі і гутарым.

У членаў учасктовай камісіі №23 па правядзенні рэферэндуму гэтымі днямі шмат работы. Людзі актыўна прыходзяць сюды, каб выказаць сваё волевыяўленне  і выканаць грамадзянскі абавязак. Больш людна бывае ў першай палове дня, аднак і ўвечары сумаваць ім не даводзіцца. Пераканаўся я ў гэтым і сам. Вось зайшла адна з кабет. Добры настрой, усмешка на твары, літаральна некалікі секунд праведзеных у кабінцы для галасавання яскрава сведчаць аб тым, што прыйшла яна ўжо з гатовым станоўчым рашэннем.

Цікавай, багатай і разнастайнай будзе ў Любушанах праграма асноўнага дня правядзення рэспубліканскага рэферэндуму. Тут у 12 гадзін, як тое відаць на аб’яве, размешчанай на мясцовым Доме культуры, адбудзецца канцэрт вакальнай групы “Славяначка”, наведвальнікаў участка для галасавання чакаюць і іншыя сюрпрызы, уключаныя ў забаўляльную праграму. Дарэчы, з праграмай мерапрыемстваў,запланаваных на ўсіх участках для галасавання 27 лютага жадаючыя маглі азнаёміцца ў нумары раённай газеты за 23 лютага.