Усё жыццё Марыі цесна звязана з творчасцю. Яна іграе на фартэпіяна і гітары, піша вершы і апавяданні, спявае, удзельнічае ў конкурсах.

Марыя не раз станавілася ўладальніцай гран-пры і лаўрэатам міжнародных вакальных конкурсаў як у Беларусі, так і за яе межамі. Гэты год не стаў выключэннем: два званні лаўрэата міжнародных конкурсаў і перамога ў абласным этапе конкурсу юных журналістаў "Залатое пяро" "Белай Русі".

Дарэчы, Марыя ў гэтым навучальным годзе двойчы прызёр другога этапу алімпіяд па англійскай мове і хіміі…

Як бачым, дзяўчына не толькі таленавітая ў творчасці, але і з дакладнымі школьнымі прадметамі спраўляецца на выдатна.

– Як усё паспяваю? Проста люблю тое, чым займаюся! Таму ўсё і атрымліваецца, – заўважае Марыя. – А яшчэ ва ўсіх маіх пачынаннях, захапленнях мяне падтрымлівае сям’я. Іх падтрымка – гэта таксама стымул імкнуцца рабіць усё на выдатна. Ды і, ведаеце, я не люблю сядзець на адным месцы. Мне пастаянна патрэбна чымсьці займацца: спяваць, танцаваць, пісаць… Іначай – будзе сумна і нецікава жыць!