Але сёння такая пасада ніякіх дзіўных асацыяцый у нас не выклікае, бо мы ведаем, што гэта – “пошта на колах”.

А паштальён ва ўсе часы лічыўся чалавекам паважаным і чакаемым, бо нёс ён толькі добрыя весткі, цікавыя навіны, а таксама газеты і часопісы, якія яшчэ не страцілі паху друкарскай фарбы. Менавіта такім дастаўшчыкам радасці і навін з’яўляецца Алена Ясікава, якая працуе ў Бярэзінскім участку паштовай сувязі Барысаўскага рэгіянальнага вузла паштовай сувязі Мінскага філіяла РУП “Белпошта”. У любое надвор’е імчыцца яе поштамабіль да адрасатаў, падпісчыкаў і чытачоў, каб падарыць порцыю добрага настрою людзям, данесці патрэбную інфармацыю, а то і проста пагутарыць пра набалелае і пра жыццё.