«Проціпажарная каманда» ў складзе інспектара прапаганды Вольгі Ермаковай і трох юных ратавальнікаў нагадвалі ўдзельнікам акцыі пра прычыны пажараў, задавалі пытанні, разам складвалі пазлы, расказвалі пра правілы эвакуацыі, малявалі, тэлефанавалі ратавальнікам і гулялі ў шашкі. Дарослыя атрымлівалі ў падарунак буклеты з інфармацыяй пра дзеянні пры сігнале грамадзянскай абароны «Увага ўсім!», дзеці – адпаведную іх узросту карысную наглядную прадукцыю. Прыцягвала ўвагу прысутных роставая лялька-ратавальнік.

 «Беражыце сябе і сваіх родных людзей!» - такі лейтматыў мае кожная акцыя Міністэрства па надзвычайных сітуацыях. Важна не толькі ўмець правільна дзейнічаць у крытычную хвіліну, а найперш не дапускаць такіх сітуацый у сваім жыцці. Гэтыя важныя веды і перадаюць людзям работнікі МНС падчас прафілактычных мерапрыемстваў самаго рознага кшталту. Памятайце, што неасцярожнасць чалавека вельмі часта з’яўляецца тым самым фактарам, які вядзе да бяды.