Прысутныя вучні паслухалі лекцыю настаўніка гісторыі і грамадазнаўства Эдуарда Шмідта, які расказаў пра Вялікую Айчынную вайну, барацьбу савецкіх салдат з нямецка-фашысцкімі захопнікамі і гераічныя здзяйсненні нашых салдат.

Потым выступілі запрошаныя госці.

- Ветэранаў Вялікай Айчыннай засталося мала, і я хачу засяродзіць увагу на пераймальнасці пакаленняў. Там, у Афганістане, нашым прыкладам гераічнасці і мужнасці былі нашыя дзяды. На іх прыкладах мы вучыліся, стараліся не згубіць годнасць, быць смелымі і адважнымі, і зараз чырвоны колер у нашым дзяржаўным сцягу гэта таксама колер крыві нашых воінаў-інтэрнацыяналістаў, - сказаў Алег Купіч.

- Дзень Перамогі – важная дата для ўсіх нас, - адзначыла Кацярына Аўрамчык. - Вялікая Айчынная вайна прыйшла ў кожны дом, у кожную сям'ю. Усё менш застаецца ўдзельнікаў і сведак той страшнай вайны. І нам нельга забывацца прыкладаў гераічнай стойкасці савецкіх воінаў і партызан.

Прысутныя паразважалі пра тых, хто каваў Перамогу ў тыле, адзначылі важнасць захавання гістарычнай памяці. Падводзячы вынік мерапрыемства дырэктар гімназіі Наталля Бурцава заклікала вучняў не забываць гісторыю і зрабіць усё магчымае, каб не паўтарыць памылкі мінулага.

Аляксандр БЫЧКОЎСКІ.

Фота аўтара.