Разам мы ўспомнілі парадак дзеянняў пры пажары, абмеркавалі небяспечныя сітуацыі, у якія можна лёгка трапіць з-за ўласнай неабачлівасці. Асабліва летам, калі ў дзяцей маецца многа вольнага часу, і выкарыстоўваецца ён не заўсёды карысна. Так адбываецца нямала выпадкаў дарожна-транспартных здарэнняў і пажараў з удзелам дзяцей, трагедыі на вадаёмах, іншыя здарэнні. Дзеці паразважалі і пра небяспеку, што можа чакаць нас у лесе, прымерылі баявое адзенне ратавальнікаў, паразгадвалі рэбусы з гульні «Дзе логіка?». Дапамагала праводзіць мерапрыемства актывістка раённага аддзялення Беларускай маладзежнай арганізацыі ратавальнікаў-пажарных — Валерыя Шмарлоўская.