На падобных мерапрыемствах грамадзяне маюць магчымасць звярнуцца з любымі пытаннямі, якія датычацца медыцынскіх судовых экспертыз. Праводзяцца “прамыя лініі” прыкладна раз у квартал.

- Любая судовая экспертыза мае два бакі: пацярпелага і ўдзельніка другога боку канфлікту, як правіла паміж імі няма пагаднення наконт ступені цяжкасці цялесных пашкоджанняў. На “прамой лініі” яны могуць звярнуцца да судовага медыцынскага эксперта і атрымаць падрабязны адказ, - зазначыў у гутарцы Уладзімір Мікалаевіч. – Каб было больш зразумела, прывяду выпадак. Напрыклад, з-за непрыязных адносін адбылася бойка паміж двума чалавекамі, у выніку якой адзін з удзельнікаў памёр. Праведзеная судовая медыцынская экспертыза паказала, што памерлы пакутаваў на хранічную хваробу, якая абвастрылася менавіта ў дадзены перыяд часу і выклікала фатальны фінал, стала прычынай смерці і не звязана з цялеснымі пашкоджаннямі. Але родным пацярпелага няпроста ўспрыняць, што пацярпелы сканаў менавіта ад хранічнай хваробы, а не ад пабояў. Судовыя эксперты праводзяць судовыя медыцынскія экспертызы на падставе толькі абъектыўных дадзеных і яны не могуць быць ні на чыім баку. Гэта вось прыклад аднаго з пытанняў, з якімі да нас звяртаюцца грамадзяне. На самой справе спектр тэм значна шырэйшы.

“Прамая лінія” прайшла ў канструктыўным рэчышчы. Найбольш папулярная сярод насельніцтва тэма – пытанні высвятлення і ўстанаўлення бацькоўства. Як зазначыў Уладзімір Семянко-Баярынцаў, у 2023 годзе плануецца адкрыццё ўпраўлення лабараторных даследаванняў рэчываў біялагічнага характару, у якім спецыялісты будуць займацца таксама правядзеннем генетычных экспертыз. Любы жыхар Мінскай вобласці атрымае магчымасць звярнуцца і атрымаць паслугу судовай генетычнай экспертызы на платнай аснове. Праводзяцца генетычны аналіз прыкладна на працягу 2 тыдняў.

Аляксандр БЫЧКОЎСКІ.

Фота аўтара.