У трох дамах падлеткі ўдала папрацавалі з шурупавертам і устанавілі гаспадарам аутаномныя пажарныя апавяшчальнікі. Усім гаспадарам нагадалі пра падтрыманне супрацьпажарнага парадку ў доме, уручылі буклеты: наперадзе ацяпляльны перыяд – а гэта час, калі трэба пільна назіраць за станам ацяпляльных прыбораў і электраабсталявання.

Пенсіянер Барыс Гаўрылавіч, у доме якога мы ўстанавілі два пажарныя апавяшчальнікі, падзяліўся ўражаннямі: 

– Вельмі прыемная такая ўвага і дапамога. Добра, што дзеці займаюцца карыснымі справамі і нават умеюць карыстацца шурупавертам. Я сам у мінулым энергетык, на пенсіі ўжо 16 гадоў, пра бяспеку ведаю шмат чаго. Магу і сам каго хочаш навучыць і як печку тапіць, і як электрабяспеку ў дому трэба выконваць. Вось, гляньце, у доме маюцца два вогнетушыцеля. 

Сапраўды, у доме стаяць вогнетушыцелі ля печкі і ў калідоры. А з устаноўкай у жылых пакоях пажарных апавяшчальнікаў у гэтым доме пражываць стала яшчэ больш спакойна і бяспечна.

Акцыя працягваецца, і ў планах раённых ратавальнікаў – нямала цікавых мерапрыемстваў для моладзі раёна.