Акрамя таго, на санаторна-курортнае лячэнне групамі выязджалі 90 хлопчыкаў і дзяўчынак, якія пражываюць у зоне радыеактыўнага забруджвання, разам з 8 суправаджаючымі іх педагогамі.

У ліку тых, хто можа трапіць на аздараўленне па лініі сацыяльнага страхавання, можаце аказацца і вы. Для атрымання пуцёўкі (а выдаецца яна ў залежнасці ад профілю захворвання) вам спачатку патрэбна будзе прайсці медыцынскае абследаванне і атрымаць даведку аб стане здароўя і неабходнасці санаторна-курортнага лячэння, а затым падаць заяву ў камісію па аздараўленні па месцы работы. Калі прэтэндэнтаў на пуцёўку акажацца некалькі, вам давядзецца дачакацца сваёй чаргі. І гэта можа быць любая пара года. Дадам, што пуцёўка выдаецца тэрмінам на 18 дзён, яе поўны кошт складае 1300 рублёў і больш. Менавіта такую суму вам спатрэбіцца заплаціць у выпадку, калі вы будзеце набываць пуцёўку самастойна ў агенцтве або непасрэдна ў санаторыі. А ў выпадку яе набыцця па лініі сацыяльнага страхавання вы выкладзеце ў залежнасці ад вашых даходаў толькі 20 або 30 працэнтаў поўнага кошту.

Што датычыцца пуцёвак для лячэння дзяцей ва ўзросце да 18 гадоў, то яны выдаюцца бясплатна. Прычым, санаторыі, у якіх ажыццяўляецца вучэбны працэс, дзяцей прымаюць круглы год. Для атрымання пуцёўкі туды дадаткова прадастаўляецца даведка са школы аб тым, што дзіця з’яўляецца навучэнцам, і з месца работы другога з бацькоў наконт таго, што пуцёўка ў бягучым навучальным годзе не выдзялялася.

Калі ж вы маеце патрэбу адправіцца ў санаторый для бацькоў з дзецьмі,  вам будуць патрэбны даведкі аб неабходнасці санаторна-курортнага лячэння аднаму з бацькоў і дзіцяці. Пуцёўка і ў такім выпадку для дзіцяці  выдаецца бясплатна, а аднаму з бацькоў давядзецца заплаціць незалежна ад памеру зарплаты толькі 15 працэнтаў ад кошту пуцёўкі.

Кагосьці пераконваць у неабходнасці ўласнага аздараўлення або аздараўлення сваіх дзяцей лічу залішнім, як і ў тым, што ў нашых айчынных санаторыях умовы для гэтага створаны самыя сучасныя. Тыя, хто пабываў у такіх установах, пераканаліся ў гэтым на ўласным вопыце.

Алена ПІСЛЕВІЧ,

вядучы спецыяліст па аздараўленні і санаторна-курортным лячэнні.