Для галоўнага інжынера сельгасфіліяла “Ома” Вадзіма Танковіча сёлетняя веснавая сяўба – асаблівая, першая на новай пасадзе. Маладым спецыялістам пасля заканчэння Клічаўскага каледжа прыйшоў ён у “Арэшкавічы”, а праз які час уладкаваўся ў “Ома”. Пачынаў з самых асноў: сезон адпрацаваў на сушылцы, потым па году быў слесарам і трактарыстам, яшчэ 3 гады – забеспячэнцам, і вось летась у маі атрымаў такую адказную пасаду. Хвалюецца малады чалавек перад адказным экзаменам: ці атрымаецца задуманае, ці будзе гатова своечасова тэхніка, ці не падвядзе ў час адказнай кампаніі.

15 лютага ў Беларусі адзначаўся Дзень памяці воінаў-інтэрнацыяналістаў. А літаральна напярэдадні старшыня райкама прафсаюза работнікаў АПК Марына Каўзуновіч арганізавала ўшаноўванне былых афганцаў, якія сёння працуюць на ніве сельскай гаспадаркі.