– Я – прадстаўнік маладога пакалення, малады спецыяліст, працую ў Райаграсэрвісе другі год пасля заканчэння Беларускай сельскагаспадарчай акадэіміі. Ганаруся сваёй Радзімай, ганаруся Беларуссю. Тым, што мы жывём у мірнай і дружнай краіне, якая не ведае жахаў вайны. Дзякуй за гэта нашым продкам, ветэранам вайны, якія падарылі нам свабоду і шчасце.

Нам ёсць чым ганарыцца, ёсць з каго браць прыклад працавітасці і любові да нашай Айчыны, бо людзі старэйшага пакалення зрабілі нямала для эканамічнага росту і развіцця нашай дзяржавы. Мы захоўваем гістарычную памяць і нацыянальную культуру, самабытнасць нашага народа і не дадзім нікому пасягаць на заваяваную свабоду, на выбраны нашым народам шлях незалежнасці і дэмакратыі.

Актыўнасць і патрыятызм – вось тыя якасці, якія мы павінны несці ў сабе, каб будаваць заўтрашні дзень Беларусі. Ад нашай сумленнай працы і неабыякавасці залежыць наш лёс, лёс нашых дзяцей і наступных пакаленняў беларусаў. Таму мы не павінны заставацца ўбаку ад фарміравання дзяржаўнага ўкладу. Наш доўг – прыняць актыўны ўдзел у правядзенні маючага адбыцца 27 лютага рэспубліканскага рэферэндуму па ўнясенні змяненняў і дапаўненняў у дзеючую Канстытуцыю Рэспублікі Беларусь. Скажам сваё годнае слова! Прагаласуем за квітнеючую і незалежную Айчыну!