Са шчырымі словамі віншавання, падарункамі завіталі да Ганны Лаўрэнцьеўны намеснік старшыні райвыканкама Вольга Калячка, старшыня раённага савета ветэранаў Анатоль Зябко, старшыня раённай арганізацыі “Белая Русь” Алена Жолудзева і юныя піянеры.

– Ваша жыццё і ваш гераічны подзвіг – прыклад для пераймання маладому пакаленню, – гаварыла Вольга Каляка,вітаючы слаўную юбілярку. – Дзякуй вам за нашу Перамогу і незалежнасць! Моцнага вам здароўя!

Шчырыя словы выказалі Ганне Лаўрэнцьеўне таксама Анатоль Зябко і Алена Жолудзева, якія падкрэслілі, што дзяржава праяўляе пра ветэранаў вайны самую пільную ўвагу і клопат, выказалі пажаданні добрага здароўя і дабрабыту.

Вялікі эмацыянальны ўплыў аказала сустрэча на юных піянераў, для якіх жанчына ўяўляе сабой сапраўды жывую старонку гісторыі нашай Радзімы, якую яны вывучаюць па падручніках.

Жанчына была расчулена візітам і ў адрас гасцей выказала нямала падзячных слоў.

Ганна Лаўрэнцьеўна зусім маладзенькай дзяўчынкай працавала для фронту ў тыле ў Краснаярскім краі. За той нялёгкі час – шмат узнагарод, медалі. А самае галоўнае – наша ўдзячнасць за мірнае неба.

Ужо ў мірны час Ганна Лаўрэнцьеўна шмат галоў адпрацавала ў райспажыўтаварыстве. І сёння не забываюць яе былыя калегі, кіраўніцтва Бярэзінскага філіяла Мінаблспажыўтаварыства. Таксама завіталі з віншаваннямі і шчырымі словамі ўдзячнасці.

– Вельмі прыемна і нечакана, што зазірнулі да мяне! Вялікі дзякуй за памяць, за шчырыя словы віншавання! І вам ўсім я жадаю дабра, міра і ўсяго самага найлепшага!

 Юлія БУКЕЛЬ.

Фота аўтара.