Дзякуй за мірнае неба!

Самае пачэснае месца на мітынгу займала ветэран Вялікай Айчыннай вайны Сафія Пятроўна Стасевіч. У святочным адзенні, з медалямі на грудзях. Бярэзінцы пазіралі на яе з удзячнасцю. А дзеткі адразу ж падышлі з кветкамі…

- Дзякуй за мірнае неба! – сказалі яны Сафіі Пятроўне.

- Жадаю ўсім нам мірнага неба! Гэта самае галоўная каштоўнасць, якая ёсць у нас, беларусаў! – гаварыла Сафія Пятроўна.

Мы памятаем! Ганарымся! І ніколі не забудзем!

У 10.00 пачаўся мітынг. З віншавальным словам да прысутных звярнуўся старшыня Бярэзінскага раённага выканаўчага камітэта Дзяніс Дзішук:

- Сёння на нашым календары значнае свята для кожнага беларуса. Дзень Незалежнасці – гэта сімвал моцы нашага народа. Вялікай цаной нам далася свабода і незалежнасць: Мы не забудзем пра тую вайну, пра подзвігі нашых дзедаў і прадзедаў!

Вялікі дзякуй нашым ветэранам. Мы, сёння аддаём даніну павагі нашым загінуўшым, ушаноўваем франтавікоў, партызан і падпольшчыкаў, працаўнікоў тылу – усіх, хто на сваіх плячах вынес цяжар ваеннага ліхалецця. Нізкі паклон пераможцам, якія адваявалі мір на зямлі для нас і наступных пакаленняў. Са святам вас, дарагія бярэзінцы! Няхай заўсёды будзе мір і працвітае наша зямля. Жадаю вам любві, дабрабыту і працвітання ў кожным доме і кожнай сям’і. Няхай кожны ваш день будзе напоўнены новымі дасягненнямі! Са святам! З Днём Незалежнасці!

Хвіліна маўчання…

… Хвіліна маўчання. Гулкім рэхам разносіцца па наваколлі залп салюту. Да падножжа помніка загінуўшым героям ускладаюцца вянкі і жывыя кветкі ад раённага выканаўчага камітэта і раённага Савета дэпутатаў, прадпрыемстваў і арганізацый горада, грамадскіх аб’яднанняў, палітычных партый, моладзі і рэлігійных арганізацый, савета ветэранаў.

Шчымлівая кампазіцыя

Думаю, усіх уразіла, нікога не пакінула раўнадушным шчымлівая кампазіцыя ў выкананні Дзмітрыя Мяшалкіна.

Праздничные мероприятия проходят в Березино

Награждение лучших березинцев

Юлія БУКЕЛЬ.
Фота Алены ГРОМАВАЙ.