А вы зрабілі бустэрную вакцынацыю ад COVID-19?

Date 16.08.2022 Man
Comment 558
А вы зрабілі бустэрную вакцынацыю ад COVID-19?

Што ні кажы, а праблема каранавіруснай інфекцыі нікуды не падзелася.

Пытанне вакцынацыі не губляе сваёй актуальнасці. Асабліва востра гэта гучыць сёння, калі ўрачы абвясцілі пачатак бустэрнай вакцынацыі, або рэвакцынацыі. Ці патрэбна праходзіць вакцынацыю, рэвакцынацыю, бустэрную вакцынацыю? Мы паспрабавалі разабрацца ў дадзенай тэме разам з жыхарамі горада.

 

Анжэла МЕЛЬНІК, супрацоўнік суда:

- Зразумела, страшна бывае парою ад інфармацыі пра каранавірус. Разумееш, што прышчапіцца трэба. З іншага боку - неяк баішся тых прышчэпак. Сама я хварэла ў лёгкай форме на каранавірусную інфекцыю, была дома на бальнічным. Былі тэмпература і адчуванне моцнай слабасці, а вось кашлю і насмарку не назіралася. Выпрацаваўся пэўны імунітэт пасля хваробы. Мяркую, кожны павінен сам вырашаць, варта рабіць прышчэпку ці не. Уласна я зараз разважаю наконт гэтай праблемы, бо, па-першае, варта вызначыцца, якой вакцынай прышчапляцца лепш.

 

Мікалай ФУРС, выкладчык гімназіі:

- Я перахварэў каранавірусам летась глыбокай восенню, бліжэй да новага года. Пару тыдняў ляжаў у бальніцы, тэмпература доўга не зніжалася, гэта насцярожвала. Лічу, што вакцынавацца трэба, варта прыслухоўвацца да меркавання ўрачоў. Але спачатку варта вызначыцца, менавіта якую вакцыну выкарыстоўваць, лепш адразу пракансультавацца ў медыкаў. Несумненна, прышчапляцца буду, але пакуль дакладна не вырашыў, якой вакцынай. Наогул жа супраць усіх хвароб рэкамендую здаровы лад жыцця, правільнае харчаванне, рэжым дня, і абавязкова заняткі спортам.

Гэта ў сукупнасці добра ўмацоўвае імунітэт. Заўважу, заняткі спортам асабіста мне дапамаглі знізіць павышаны ціск. Таму рэкамендую ўсім, хто нагружаны інтэлектуальна, абавязкова наведвацца ў трэнажорную залу. Фізічныя практыкаванні ўмацоўваюць, і гэта добрая прафілактыка многіх пытанняў здароўя.

 

Валянціна КАРДЫМОН, жыхарка Беразіно:

- Я вакцынавалася пакуль адзін раз, у кастрычніку мінулага года, быў прыменены “Спутник V”. Каранавіруснай інфекцыяй не хварэла. Думкі наконт прышчэпак наогул рояцца розныя. Калі паслухаць вакол, адзін гаворыць адно, другі – іншае. Аднак асабіста для сябе вырашыла, што прышчапіцца не пашкодзіць. Вось і зараз трэба зрабіць прышчэпку, бо як кажуць, настала новая хваля захворванняў. Пакуль разважаю, абмяркоўваю дадзеную праблему.

 

Вольга САМСОНЕНКА, шчаслівая матуля:

- Наш муж і тата працуе на заводзе “Аліварыя”, ён вакцынаваўся. Я ж пакуль у дэкрэтным адпачынку і дакладна не вырашыла, разважаю.Самі каранавіруснай інфекцыяй не хварэлі. Муж вырашыў вакцынавацца на ўсякі выпадак і будзе праходзіць рэвакцынацію. Несумненна, гэта патрэбна, тым больш каранавірус падобна грыпу застанецца ў свеце. Наогул жа мы практыкуем ўмацаванне імунітэту вядомымі сродкамі: абавязкова здаровы лад жыцця, ужыванне натуральных вітамінаў і добры настрой.

 

Аляксандр БЫЧКОЎСКІ.

Фота Алены ГРОМАВАЙ.

 

Источник:
Нашли ошибку? Выделите её и нажмите CTRL + ENTER