Пачынаў свой працоўны шлях абрубшчыкам, вальшчыкам. Потым шчыраваў лесніком. На пасадзе майстра лесу – з 2015 года.

Адметна, што дыплом аб заканчэнні Барысаўскага лесатэхнічнага каледжа Сяргей Сяргеевіч атрымаў, калі яму споўнілася 46 гадоў.

Тэарэтычныя веды па спецыяльнасці набываў завочна, а практыкі ў яго штодзень хапала: догляд за маладняком, планавыя высечкі, нарыхтоўкі...

Вучыўся, працаваў і дзяцей гадаваў. Сям’я – яго надзейны тыл. Сяргей Сяргеевіч – мнагадзетны бацька, добры сем’янін. Разам з жонкай Святланай Пятроўнай выхавалі дваіх сыноў і дзвюх дачок. Самая малодшая з іх – Дар’я – пайшла бацькоўскай сцежкай: працуе ў Мінскай лесапаркавай гаспадарцы, таксама майстрам лесу.