Выхаваная яшчэ матуляй у маленстве любоў да жывёлы і імкненне даглядаць яе прывялі яго ў 2000-м годзе ў жывёлагадоўлю, а дакладней, на малочнатаварную ферму “Красная Зорка” філіяла ТАА “Ома” в. Міхалёва.

Быў і даяром, а зараз заняты доглядам маладняку буйной рагатай жывёлы - цялятак ва ўзросце да трох месяцаў. Падабаецца мужчыну праца, якой ён займаецца, бо атрымлівае сапраўднае задавальненне, калі бачыць, як падрастаюць яго гадаванцы, набіраюць моц і вагу.

У яго групе налічваецца да 150 галоў. І кожнае цяля па выніках работы за люты прыбаўляла ў вазе па 800-850 грамаў у суткі.