У гэтым перакананы і начальнік вытворча-тэхнічнага аддзела філіяла ДЭУ-6 РУП “МінскаўтадорЦэнтр” Аляксандр Кутас. У радах дарожнікаў ён ужо чвэрць стагоддзя і за гэты час да драбніц вывучыў законы і аксіёмы дарожнага будаўніцтва. Тут недастаткова толькі пакласці на тым ці іншым ўчастку асфальт або своечасова правесці ямачны рамонт ці падсыпку супраць галалёду.

Кожны адрэзак, кожны ўчастак патрабуе асаблівых адносін да сябе з-за сваёй непаўторнай унікальнасці. Таму імкнецца Аляксандр Іванавіч, як галоўны тэхнолаг прадпрыемства, знайсці патрэбны ключык, каб работа не проста была выканана, а каб дала найбольш эфектыўны вынік, каб радавала дарога вадзіцеляў і падарожнікаў сваёй лагоднасцю ды вольным ветрыкам. Колькі душы ўклаў Аляксандр Кутас у сваю работу, вымераць немагчыма. Дададзім, што летась яму быў уручаны знак Міністэрства транспарту і камунікацый “Ганаровы дарожнік Беларусі” ІІ ступені.