Усе гэтыя якасці гадаванцы Алы Уладзіміраўны атрымліваюць у поўнай меры і дзякуюць сваёй гаспадыні добрым ростам і важкімі прыбаўленнямі ў вазе. Зараз яны складаюць крыху больш за 900 грамаў.

За плячыма Алы Шык не адзін год работы ў жывёлагадоўлі і большую частку іх яна прысвяціла менавіта догляду маладняку.

Працуе яна заўсёды старанна, заўзята і адказна. Пацвярджае гэта і тое, што летась яна ўваходзіла ў склад дэлегацыі лепшых працаўнікоў Бярэзінскага раёна, якая прымала ўдзел ва ўрачыстым мерапрыемстве, прысвечаным падвядзенню вынікаў штогадовага абласнога спаборніцтва за дасягненне найвышэйшых паказчыкаў у развіцці аграпрамысловага комплексу.