У ходзе мерапрыемства шэраг супрацоўнікаў службы выратавання вобласці былі адзначаны медалямі  “За бездакорную службу ІІІ ступені”, нагруднымі знакамі “165 год пажарнай службы”, Ганаровымі граматамі і падзякамі старшыні Мінаблвыканкама.  У ліку адзначаных медалём і нашы землякі - камандзір аддзялення пажарнай аварыйна-выратавальнай часці № 1 Бярэзінскага раённага аддзела па надзвычайных сітуацыях установы «Мінскае абласное ўпраўленне Міністэрства па надзвычайных сітуацыях Рэспублікі Беларусь», старшы прапаршчык ўнутранай службы Віталь Башарымаў, а нагрудным знакам “165 год пажарнай службе” - капітан унутранай службы Вольга Данэйка. Ушаноўваўся таксама і начальнік Бярэзінскага РАНС Мікалай Андрыевіч, які праслужыў ў органах і падраздзяленнях па МНС 37 гадоў і з гонарам завяршыў сваю службу.

У якасці падарункаў да наваселля Бярэзінскі РАНС атрымаў ключы ад аўталесвіцы ВЛ-30, а таксама сертыфікат ад раённага выканаўчага камітэта на 35 тысяч рублёў на ўмацаванне матэрыяльна-тэхнічнай базы і набыццё абсталявання.

Завяршыліся ўрачыстасці пераразаннем чырвонай стужкі, азнаямляльнай экскурсіі па дэпо і дэманстрацыяй парадку рэагавання сіл і сродкаў падраздзяленняў МНС пры правядзенні аварыйна-выратавальных работ па ліквідацыі наступстваў дарожна-транспартнага здарэння і дэблакіроўкі пацярпелага.

Анатоль ПАЛЫНСКІ.

 Фото Елены ГРОМОВОЙ.