Ён вельмі дакладна ахарактарызаваў сёлетняе жніво як стратэгічнае. І так яно ёсць на самой справе на фоне той палітычнай і эканамічнай сітуацыі, што зараз пануе ў свеце. А пастаўленая Кіраўніком дзяржавы задача намалаціць 10 мільёнаў тон збожжа і зерня дазволіць нашай рэспубліцы адчуваць сябе даволі стабільна і нарошчваць сельскагаспадарчую вытворчасць як аснову харчовай бяспекі.

Свой дастойны ўклад у гэтую справу ўносяць і нашы земляробы. Ужо першыя дні ўборкі азімага ячменю і азімага рапса даюць нам падставы з упэўненасцю сцвярджаць, што наш сёлетні каравай будзе больш важкім і багатым. Зроблена для гэтага было нямала, пачынаючы з мінулай восені, калі мы прыступілі да азімага сева. Далейшыя намаганні таксама не засталіся без станоўчых вынікаў. І сёння ў нас спее багаты ўраджай. Сабраць яго да апошняга зярнятка, своечасова і пры высокай адказнасці і дысцыпліне на кожным рабочым месцы – такая задача пастаўлена Прэзідэнтам перад аграрыямі рэспублікі. Менавіта так і прывыклі мы працаваць, з такім падыходам выконваем ускладзеную на нас адказную місію.

Наталля СОКАЛ, дырэктар ААТ “Пагосцкі”, старшыня раённага савета аграпрамысловага саюза.