- Кінатэатр з’яўляецца ўстановай культуры, што само па сабе гаворыць аб тым, што і ўнутры яго і навокал павінна быць належная чысціня, - расказвае дырэктар аддзела кінавідэаабслугоўвання Бярэзіскага раёна Ірына Рамановіч, - Да таго ж будынак знаходзіцца ў ажыўленым месцы і быць недагледжаным яму ніяк нельга. Таму і праводзім работы па навядзенні парадку рэгулярна.

Гэты невялікі скверык знаходзіцца не на асаблівым відавоку гараджан, хоць і размешчаны амаль у самым цэнтры Беразіно – каля будынка былога пажарнага дэпо. Яшчэ летась работнікі камунальнай службы тут правялі добраўпарадкаванне тэрыторыі, выграблі сухую расліннасць і смецце, устанавілі лавачку. І вось тут ізноў наводзіцца парадак. На гэты раз – сіламі працоўнага дэсанта з ліку работнікаў аддзелаў райвыканкама і школьнікаў гарадскіх школ.